Estás en: Portada / Sala de comunicacións / Actualidade

Mar reunirase cos representantes do cerco o vindeiro martes para analizar a proposta de reasignación de cotas

O obxectivo é que o sector fixe un posicionamento común para presentalo ao Ministerio de Agricultura, Alimentación e Medio Ambiente

Santiago, 8 de xaneiro de 2015.- A conselleira do Mar, Rosa Quintana, adiantou hoxe que a a vindeira semana manterá unha xuntanza cos representantes das asociacións de todo o sector do cerco de Galicia para analizar e buscar o mínimo de posibilidades de pesca para os barcos que non dispoñen de cota. O obxectivo da reunión, que se celebrará o martes, é acadar un posicionamento común do sector de reasignación de cotas para presentalo ao Ministerio de Agricultura, Alimentación e Medio Ambiente.

Rosa Quintana explicou que na anterior xuntanza que mantivo con este sector o pasado 22 de decembro se acordou que o sector remitiría á Consellería do Mar a relación daqueles barcos que teñen dificultades para acreditar os históricos. “Algunhas asociacións pasáronos, outras non e por iso se alongou no tempo ese estudo que nos comprometemos a facer para ver cantos barcos tiñan o problema e ver as posibilidades de pesca para especies como o xurelo”. “Agora que fomos quen de conseguir os datos, a vindeira semana teremos a reunión con eles para analizalos” e ver posibilidades de reasignación, engadiu.

Tema: Pesca
Departamento: C. do Mar