Estás en: Portada / Sala de comunicacións / Actualidade

Economía e Industria salienta a importancia do parque das Pedreiras na mellora competitiva do tecido empresarial da Rúa

O director xeral de Enerxía e Minas, Ángel Bernardo Tahoces, visita o polígono industrial, que está a mellorar as súas infraestruturas co obxectivo de impulsar a actividade económica

A Consellería ten aberta unha nova convocatoria da orde de apoios para impulsar a competitividade dos parques empresariais galegos de cara a promover o crecemento económico e a xeración de emprego
 

A Rúa (Ourense), 31 de marzo de 2015.- O director xeral de Enerxía e Minas, Ángel Bernardo Tahoces, visitou hoxe as instalacións do parque empresarial da Rúa, onde subliñou a importancia destas infraestruturas no desenvolvemento económico e social dos concellos galegos. Neste sentido, Bernardo Tahoces resaltou o papel que xoga este polígono municipal no “impulso da actividade económica” da localidade e da competitividade das súas empresas”.

Durante a visita, na que estivo acompañado polo alcalde da localidade, Avelino García Ferradal, o director xeral resaltou a mellora das infraestruturas que está a levar a cabo o concello no parque empresarial, desenvolvendo actuacións que lle permiten ofrecer un mellor servizo ás empresas alí instaladas.

A Consellería ten aberta unha nova orde apoios para colaborar cos municipios galegos na mellora competitiva dos polígonos industriais, dada a súa importancia no desenvolvemento económico das vilas de cara a impulsar o crecemento e á xeración de emprego.

O programa prevé apoios de ata o 80% do custo subvencionable, cun máximo de 120.000 euros por solicitude. Unha cantidade que se incrementará ata o 95% e os 180.000 euros no caso de agrupacións de concellos. Desta forma prímase unha xestión compartida que posibilita unha redución de gastos nas arcas municipais

Esta aposta pola cooperación municipal, explicou o director xeral, facilita a implantación de proxectos empresarias que contribúen á fixación de tecido empresarial na comarca co obxectivo de mellorar a competitividade da industria.